यतो धर्मस्ततो जय: भन्ने सदुक्तिलाई हृदयङ्गम गरी धार्मिक पूजार्चनादि अनुष्ठानद्वारा आध्यात्मिक भावनाको विकास गर्नका निमित्त धार्मिक संघ संस्थाहरूको संस्थापना हुने गर्दछ । यस क्रममा समाजमा बढ्दै गइरहेको चरम भौतिकवादी, भोगवादी आसुरी प्रवृत्तिबाट निवृत्त हुन सत्सङ्ग, आध्यात्मिक प्रवचन गोष्ठीहरूको आयोजना गरी आध्यात्मिक नैतिक समाजको स्थापना हेतु यस कालिका मन्दिर कालिका आश्रमको जन्म हुन गएको हो । स्थानीय धर्मप्राण जन समुदायको इच्छाअनुसार आदिशक्ति भवानी कालिका माताको मन्दिर स्थापना गरी समाजका असद्वृत्तिको समाप्ति र सत्य न्यायादि सुप्रवृत्तिको प्राप्तिका लागि आमा भवानीको पूजन-आराधना गर्ने उद्देश्य अनुरूप संस्थापित यस संस्थाको गौरव गरिमा विशिष्ट छ। यस संस्थाले समयको प्रवाहसंगै | गतिशीलता प्राप्त गर्न २०३९ सालमा मन्दिरको निर्माण गरी त्यसमा | माता कालिकाको मूर्ति स्थापना एवं प्राण प्रतिष्ठा गरिएको हो । त्यसपछि | स्थानीय धर्मानुरागी व्यक्तित्वहरूको अनवरत सहयोग र सद्भावनाको फलस्वरूप यसलाई संस्थागत रूप दिन कालिका मन्दिर कालिका आश्रमको विधान, २०४९ पारित भयो (दर्ता मिति: २०४९/०७/०६)। नेपाल सरकारको संघ- संस्था ऐन २०३४ अन्तर्गत जिल्ला प्रशासन कार्यालयमा दर्ता भई यो संस्थाले वैधानिक मान्यता प्राप्त गन्यो । यसरी एउटा गैर सरकारी संस्थाका रूपमा आफूलाई प्रस्तुत गरेको यस संस्थाका उद्देश्यहरूमा पनि व्यापकता आयो । संस्थाको विधान अनुसार “यस आश्रमको मूल उद्देश्य मनुष्य | मात्रको शारीरिक, मानसिक, बौद्धिक विकासको लागि आदर्श गुरूकुल परम्परानुसार पुस्तकालय स्थापना गरी अध्यापन कार्य सञ्चालन गर्ने, ज्ञान र विज्ञान एक- अर्काको पूरक हुन् भन्ने बारे बोध गराउने, आधुनिक युगको मागअनुसार भाषा ज्ञानका लागि अंग्रेजी भाषा पनि आंशिक ऐच्छिक रूपमा अध्यापन गर्दै सामाजिक सुधारका लागि आत्मानुशासन र मौका-मौकामा वैदिक हिन्दू धर्मले मान्दै आएका पर्वहरूमा धार्मिक आध्यात्मिक प्रबचन गर्ने, गराउने र “परोपकाराय सतां विभूतय;तमसो मा ज्योतिर्गमय, धर्म एव हतो हन्ति, धर्मो रक्षति रक्षितः जस्ता उपदेशलाई समेत सार्थक पार्न प्रयत्नरत रहने उद्देश्य हुनेछ ।”